ഇന്ത്യയിലെ ട്രെയിനുകളിലെ പോയിന്റുകൾ എല്ലാം 110 വോൾട്ട് കറൻ്റ് ആയിരിക്കുന്ന എന്തുകൊണ്ട് ?
ട്രെയിൻ ഒരു പൊതുഗതാഗത വാഹനമായത് കൊണ്ടും, ഒരുപാട് ആളുകൾ സഞ്ചരിക്കുന്നത് കൊണ്ടും, അവരിൽ ചിലപ്പോൾ മോഷ്ടാക്കളും ഉൾപ്പെട്ടേക്കാം. ട്രെയിനിലെ ഇലക്ട്രിക് ഉപകരണങ്ങളായ ഫാൻ, ബൾബുകൾ ഉൾപ്പെടെയുള്ള ഉപകരണങ്ങൾ ഇവർ മോഷ്ടിക്കാൻ സാധ്യതയുണ്ട്. ഈ മോഷണം തടയാനാണ് ട്രെയിനുകളിൽ 110 വോൾട്ട് ഉപകരണങ്ങൾ ഉപയോഗിക്കുന്നത്.
ട്രെയിനുകളിലെ ഫാൻ ,ബൾബുകൾ പോലുള്ള ഉപകരണങ്ങൾ മോഷണം പോയാലും അത് പുറത്ത് ഉപയോഗിക്കാൻ കഴിയില്ല . ട്രെയിനുകളിലും, റെയിൽവേ സംബന്ധമായ കാര്യങ്ങളിൽ മാത്രം ഉപയോഗിക്കാൻ കഴിയുന്ന 110 വോൾട്ട് പവർ ഉപകരണങ്ങളാണ് ഇവയെല്ലാം.
അതേ സമയം ഈ 110 വോൾട്ട് പവർ ചാർജറുകളിൽ ചാർജ് ചെയ്യുന്നത് അൽപ്പം ബുദ്ധിമുട്ടാണ് . തീവണ്ടിയിൽ യാത്ര ചെയ്യുന്നവർക്ക് അത്യാവശ്യ ആവശ്യങ്ങൾക്ക് സെൽ ഫോണുകളും , ലാപ്‌ടോപ്പുകളും ചാർജ് ചെയ്യാൻ മാത്രമാണ് ഇത് നൽകുന്നത്. ഈ സോക്കറ്റിൽ ചാർജ് ചെയ്താൽ വീട്ടിൽ ചാർജ് ചെയ്യുന്നതിനേക്കാൾ സാവധാനമായിരിക്കും ചാർജ് കയറുക എന്നതാണ് ഒരു കുറവ്.
ഇന്ന് ആളുകൾ ഉപയോഗിക്കുന്ന സെൽ ഫോൺ, ലാപ്‌ടോപ്പ് തുടങ്ങിയ ഉപകരണങ്ങളുടെ ചാർജറുകൾ കുറഞ്ഞത് 100 വോൾട്ട് പവറെങ്കിലും മതി വീട്ടിൽ ഉപയോഗിക്കുന്ന മിക്‌സി , ഗ്രൈൻഡർ പോലുള്ളവ തീവണ്ടിയിൽ പ്രവർത്തിപ്പിക്കാൻ ചാർജിംഗ് സോക്കറ്റ് ഉപയോഗിച്ചാൽ അത് പ്രവർത്തിക്കാതെ പോകാനുള്ള സാധ്യതയുണ്ട്. ഇന്ന് ഉപയോഗിക്കുന്ന പല മിക്സർ ഗ്രൈൻഡറുകളും കുറഞ്ഞത് 210 വോൾട്ട് വൈദ്യുതിയിൽ മാത്രമേ പ്രവർത്തിക്കാൻ കഴിയൂ.
